Spádómarnir um Messías

Hver er Messías?

Messías er persóna sem var spáð fyrir um, á nákvæman hátt, að myndi koma fyrst til að líða og verða deyddur vegna synda mannkyns og verða reistur frá dauðum. Hann myndi síðar koma til að eyða öllu illu og ríkja í alheimi um alla eilífð.

Spádómarnir eru fjölmargir og ritaðir á árunum 2000 f.Kr. til 300 f.Kr. Þeir eru skráðir í lögmáli Móse, Spámönnunum og Davíðsálmunum. Þessum ritum er saman safnað í það sem er kallað Gamla testamenti.

Messías þýðir hinn smurði á íslensku

Mashiach eða Messías eins og það er skrifað á Íslensku er hebreskt orð og þýðir hinn smurði á íslensku. Messías er síðan þýtt sem Kristur á grísku sem var alþóðlega tungumálið sem flestir töluðu á fyrstu öld. Jesús frá Nasaret hét ekki Kristur heldur var hann kallaður það af þeim sem töldu að hann væri Kristur þ.e hinn smurði sem ritningarnar spáðu fyrir um.

Spádómarnir um Messías

Spádómarnir greina t.d. frá: hvar hann myndi fæðast, ætterni hans, hvar hann myndi búa, hvað hann yrði kallaður. Þeir segja frá: persónuleika hans, ýmsum atvikum í lífi hans, hvernig hann myndi þjást og hvernig mennirnir tækju honum. Þeir segja ennfremur frá því hvernig hann er sá sem Guð hefur fyrirhugað til að eyða öllu illu og ríkja yfir Ísrael og öllu mannkyni um alla eilífð og hvernig það muni eiga sér stað. Hluti spádómanna fjalla um fyrri komu Messíasar og hluti um seinni komu hans. Lítum á brot af þessum spádómum.