Bænir

Jesús Sagði: “En nær þú biðst fyrir, skaltu ganga inn í herbergi þitt, loka dyrunum og biðja föður þinn, sem er í leynum. Faðir þinn, sem sér í leynum, mun umbuna þér. Þegar þér biðjist fyrir, skuluð þér ekki fara með fánýta mælgi að hætti heiðingja. Þeir hyggja, að þeir verði bænheyrðir fyrir mælgi sína. Líkist þeim ekki. Faðir yðar veit, hvers þér þurfið, áður en þér biðjið hann.” (Matt 6, 9:13)

Við höfum líka bænahópa sem biðja fyrir fólki sem trúir á mátt bænarinnar og vill láta biðja fyrir sér. Hægt er að senda okkur bænarefni á bidja@lifdu.org.

 

 ——————————————————————————————————————–

 Bæn til Lífs
– Þín beiðni til Jesús um að koma inn í þitt líf –

„Ég trúi því að Jesús Kristur hafi dáið fyrir mig og að hann hafi risið upp frá dauðum.
Jesús kom þú  inn í hjarta mitt á þessu augnabliki og frelsa mig frá syndum mínum.
Fyrirgefðu sérhverja synd mína. Jesús vertu  velkominn inn í líf mitt, taktu þar völdin.
Fylltu mig af Anda Þínum. Himneski Faðir, ég þakka Þér að ég er nú Þitt barn.“

Í Jesú Nafni Amen

  ——————————————————————————————————————–

Faðir Vorið
– Bænin sem Jesús kenndi okkur –

Faðir vor, þú sem ert á himnum. Helgist þitt nafn, til komi þitt ríki, verði þinn vilji, svo á jörðu sem á himni.
Gef oss í dag vort daglegt brauð. Fyrirgef oss vorar skuldir, svo sem vér og fyrirgefum vorum skuldunautum.
Og eigi leið þú oss í freistni, heldur frelsa oss frá illu. Því að þitt er ríkið, mátturinn og dýrðinað eilífu.

Amen

   ——————————————————————————————————————–

Drottinn er minn hirðir
– 23 Davíðssálmur –

Drottinn er minn hirðir, mig mun ekkert bresta.
Á grænum grundum lætur hann mig hvílast, leiðir mig að vötnum, þar sem ég má næðis njóta.
Hann hressir sál mína, leiðir mig um rétta vegu fyrir sakir nafns síns.
Jafnvel þótt ég fari um dimman dal, óttast ég ekkert illt, því að þú ert hjá mér, sproti þinn og stafur hugga mig.
Þú býr mér borð frammi fyrir fjendum mínum, þú smyr höfuð mitt með olíu, bikar minn er barmafullur.
Já, gæfa og náð fylgja mér alla ævidaga mína, og í húsi Drottins bý ég langa ævi.

Amen

   ——————————————————————————————————————–